ՀԾԿՀ-ն խախտեց «Լեզվի մասին» օրենքը

Այսօր Հանրային ծառայությունները կարգավորող հանձնաժողովի նիստին այլ հարցերի հետ մեկտեղ քննարկվում էր նաև Հայաստանի էլեկտրական ցանցերին տուգանելու հարցը: Նիստին ՀէՑ-ի տեսակետը ներկայացնում էր կազմակերպության գլխավոր տնօրեն Եվգենի Բիբինը, ով ելույթ էր ունենում ռուսերեն լեզվով:

Համաձայն «Լեզվի մասին» ՀՀ օրենքի 4-րդ հոդվածի Հայաստանի Հանրապետության պետական մարմինները պարտավոր են նման դեպքում ապահովել ոչ հայերեն ելույթների զուգահեռ հայերեն թարգմանությունը:

Սակայն, ՀԾԿՀ-ն չէր ապահովում Եվգենի Բիբինի ելույթների թարգմանությունը և դրանց մի փոքր մասը թարգմանվում էր հենց ՀԷՑ-ի թարգմանչի կողմից: Իսկ ռուսերեն լեզվով ելույթների, հայտարարությունների ու պնդումների մեծ մասն այդպես էլ չթարգմանվեց, ինչով ՀԾԿՀ-ն կոպտորեն խախտեց «Լեզվի մասին» ՀՀ օրենքի 4-րդ հոդվածը, ինչպես նաև օտար լեզվին չտիրապետող հայաստանցիների՝ նիստի ընթացքին հետևելու իրավունքը:

«Իրազեկ Քաղաքացիների Միավորում»

Առնչվող